http://radiosomaliland.com/ Somaliland News en-us Nucleus CMS v3.2 © Weblog http://backend.userland.com/rss http://radiosomaliland.com//nucleus/nucleus2.gif http://radiosomaliland.com/ http://radiosomaliland.com/index.php?itemid=617 Inalilaah wa Inaa ilaahu raajucuunBahda Radio somaliland iyagoo ka tiiraanyeysan geerida naxdinta leh Maruun Prof. Siciid MEYGAAG SAMATAR oo shaly oo bisha May tahay 7 ku geeriyaday San Jose ee gobalka California ee wadanka maraykanka, Waxaan anaga oo ku hadlaan magaca dhamaan Shaqaalaha radio somaliland dibada iyo gudaba aanu Tacsi u diraan, dhamaan ehelkii iyo asxaabtii uu tagay Marxuun, Siciid.waxa aanu illaahay uuga baaryaynaa marxuumka naxariis iyo danbi dhaaf eheledii iyo asaxaabtii uu ka baxayna aduunka meelkasto ooy joogaanba samir iyo imaan Alla haka siiyo.
Inaa lillaahi wa inaa ilayhi raajicuun

Tacsiyaha kale ee na soo gaadhay guji more read---------------------------------------------------------------------------------------------------------------

Ina lilahi waa ina illihi raajicuun
Illahay naxareestiisa janno ha siiyo Saciid Maygaag Samatar, intu ka tagayna samir iyo imaan Allah ha ka siiyo.
si gaara waxaan u tacsiyadaynayaa, Ibrahim Maygaag Samatar.

Ibrahim Mead



---------------------------------------------------------------------

UHWA USA Waxay tacsi hawada u Marinsaa Prof. Siciid MEYGAAG SAMATAR oo maanta oo bisha May tahay 7 ku geeriyaday San Jose ee gobalka California ee wadanka maraykanka,
Mujaahid Said Maygaag Samatar, wuxuu tageero weyn u hayay Marshruuca kheryrka ah ee UHWA wado.

Waxaan anaga oo ku hadlaan magaca dhamaan UHWA dibada iyo gudaba aanu Tacsi u diraan,
dhamaan ehelkii iyo asxaabtii uu tagay Marxuun, Siciid.
waxa aanu illaahay uuga baaryaynaa marxuumka naxariis iyo danbi dhaaf eheledii iyo asaxaabtii uu ka baxayna aduunka meelkasto oosair iyo imaan ka siiyo.
Inaa lillaahi wa inaa ilayhi raajicuun

UHWA, USA



__________________________________________________



Anigoo ku hadlaaya magaca Jaaliyadda Soomaliland ee Wales,kan xaaskeyga Amal Cumar Carte iyo magaca Reer Cabdi Carwo , waxaan tacsi u dirayaa xaaska, ubadka, walaalada, ehelka, qaraabada, uu ka geeriyooday Aqoonyahanka weyne Siciid Meygaag Samatar oo shalay Arbaca 07/05/08 ku geeriyooday San Jose, California USA. INNA LILAA WA INAA ILLAYHI RAAJACUUN. Waxaan sidoo kale uga tacsiyadeynayaa shacbi weynha Soomaliland ee uu ka baxay Mujaahid weyn oo ku soo kifaaxay aqoontiisa.

Marxuum Prof. Saciid Meygaag Samatar waxuu ahaa aqoonyahan, halgamaa ah, mujaahid aan waxba ka hagran ummadiisa xiligii halganka iyo dibu dhiskii dalkaba. Waxuu qayb libaax ka qaatay aasaaska urur weynaha SOPRI ee u tafaxaydan kobcinta horumarka bulsho-dhaaqn-dhaqaale ee dalka hooyo. Waxuu ahaa udub-dhexaadka abaabulka shirweyne-sanadlaha ah ee SOPRI, laguna lafoguro wadciga dalka ka jira iyo xal u helidda mashaakilka siyaasadeed, dhaqaale iyo dhaqanba.

Waxa maanta Soomaliland ka baxay xidig ka dhex muuqday bulshada, oo u hibeeyey aqoontiisa si hagar la,aan ah, isagoon cidna abaal iyo manfac ka rabin. Waxuu ahaa nin af gaaban, gacan furan oo ficilkiisu taabtay darafyada dalka. Waa mataal ku yar ummadeena, waxaana waajib ah in xus iyo qadaris loo sameeyo.

Waxaan Illaahay uga baryayaa inuu ku mannaysto jannatul fardows, dhammaanteena samir iyo iimaan.


Axmed Carwo
Guddoomiyaha
Jaaliyadda Somaliland Wales
Cardiff
U.K

samotalis@gmail.com
]]> General http://radiosomaliland.com/index.php?itemid=617 Fri, 09 May 2008 12:30:33 -0400 http://radiosomaliland.com/index.php?itemid=616 Hargeisa - ROOB AAD LOOGU DIIRSADAY AYAA KA DA\'AY Galbeedka Gobolka Hargeisa iyo Gobal weynaha Gabiley iyo nawaaxigiisa maalintii shaley iyo maantaba. wariyaha waxa uu sheegay in Roobabkii la sugayey mudaba ay guud ahaan ka wada da'een wadanka badideedsa.

ROOB AAD LOOGU DIIRSADAY AYAA KA DA\'AY Galbeedka Gobolka Hargeisa iyo Gobal weynaha Gabiley (Qodaal)þ



Waxaa Xalay ilaa maanta ka da,ay roob weyn laga soo bilaaba magalaada Hargeisa ilaa Magaalada Togwajaale. Roobkaas oo ahaa roob weyn oo ka curtay dhamaan dalkeena Somaliland

Dhinaca magaalada Allaybaday oo hada ku sugan waxaa ka da,ay roob aad loogu qaboobay, roobkaas oo ahaa mid aad u laxaadleh oo da,ayay mudo dheer waxa uu wada buuxiyay dhamaan dhaamamkii waawaynaa ee Allaybaday, Roobkaa ayaa ay dadwaynaha ku dhaqan deegaankaasi ay aad ugu qabowsadeen kadib jiilaal adag iyo kaliil dabadheeraatay oo baryahan danbe ay dadka ku dhagan deegaanla Allaybaday ay bilaabeen hayaan ay ugu guurayeen meelaha ay raxmadu ka da'day si ay xoolaha ugu helaan biyo iyo baad, balse maanta waxa ka muuqda dadka ku dhaqan Allaybaday jawi ka duwan kii hore, taasi oo farxad iyo rayrayn badani ka muuqatay wajiyadooda.


hadaba dadwaynaha reer Allaybaday oo ku caan baxay waxsoosaarka xaga beeraha ayaa waxa ay ahaayeen qaar in muddo ahba isku diyaarinayay waxbeeris, balse ay ka dib dhaceen roobabkii xiliga gugu oo la filaayay, ayaa maanta aad looga dareemay durba dhaqdhaqaaq ku wajahan xaga waxbeerashada ee dhamaan dagaanka Degmada Allaybaday iyo dagaanke kale ee gobolka.]]> General http://radiosomaliland.com/index.php?itemid=616 Fri, 09 May 2008 03:19:08 -0400 http://radiosomaliland.com/index.php?itemid=615 Abu dhabi - Boqor Cismaan Aw Maxamuud (Buurmadoow) oo ka mid ah madaxdhaqameedyada Somaliland ayaa shacabka iyo madaxdhaqameedka Somaliland ugu baaqay inay ilaaliyaan ammaanka guud ee Somaliland oo aanay dheg u dhigin dhawaaqyo dhiilo leh oo uu sheegay inay ka soo burqanayaan mucaaradka iyo muxaafidka Somaliland.
Boqor Cismaan Buurmadoow, oo isaga oo jooga magaalada Abu Dhabi ee dalka Imaaraadka Carabta xalay khadka Telefoonka ugu waramay Wargeyska Geeska Afrika, waxa uu sheegay inay jiraan wasiiro cul culus oo ka tirsan xukuumadda Madaxweyne Daahir Rayaale Kaahin, kuwaas oo uu ku eedayay inay aloosayaan wax uu ugu yeedhay suuq alool labaad oo aargoosi ah. “Marxaladan dalku maanta marayo, waan arkayaa, xaalad loo tudho ayaanay u eegtahay, sidaas ayaana loo baahanyahay ee in qas la rido looma baahna, Somaliland-na nasiib ayay leedahay oo cid kasta oo damacda inay dumiso uma hirgasho oo ilaahay nasiibkeeda ayuu ku garab galayaa. Waxaan u arkaa in buun buunin badani ku jirto oo xagga siyaasadda aad iyo aad looga buun buuniyo. Cid kasta oo mucaarad iyo muxaafad ah oo hadashay, hadalkoodu maaha hadalo u danaynaya dalka iyo horumarkiisa iyo isu soo dhawaynta, waa hadalo taag taagan oo aanay naxariis iyo isu soo dhawayni ku jirin. Markaas waxa loo baahanyahay in shacabku ka tashado oo madaxdhaqameedyadu deg deg isugu yimaadaan.”

Boqor Cismaan oo la weydiiyay inuu wax xidhiidh ah la soo sameeyay garabyada siyaasadeed ee Somaliland oo uu kala hadlay xalaada dalku marayo, waxa uu ku jawaabaya “Anigu Madaxweynaha waan la hadlay, qoladan mucaaradka ah maan helin laakiin dad ku dhow dhow ayaan helay, iyagana farriinta waan u faray oo waxaan ku idhi dalku wuxuu u baahanyahay in loo tudho haddii dastuurku idin siiyay inaad tartantaan, inaad tixgelisaan weeye. Midda kale waxaan u arkaa inay baadil isku haystaan, kordhina xaq uma leh, koomishankuna dad shaqadiisa garanaya maaha, koomishanku inay doorashada salaxaan weeye. Mudadaas ay guurtidu kordhisay waxaan u arkaa muddo macquul ah, marka loo eego xaaladdan taagan.”

Boqor Cismaan, waxa uu eedayn u soo jeediyay xubnaha koomishanka doorashooyinka, waxaanu yidhi,

“Koomishankan oo la bedelo mooyee doorashaba ma dhacayso, koomishankani maaha niman shaqada garanaya, saddexda xisbi inay muddo ku heshiiyaan xaq uma leh ee waxay ahayd inay wakhtigeedii doorashadu dhacdo, haddii ay dhici weydana waxa imanaya xeer jajab, xeer jajabna cid guurtida uga xaq lihi ma jirto. Waxaan leeyahay xisbiyadu ha sugaan mudadaas yar ee guurtidu kordhisay, dalkuna intaas ma dawlad la’aan karo. Walaahi ayaan ku dhaartaye, haddii ay laba sanno oo dambe sii joogaan, nimankan koomishanka ahi maaha rag wax qaban kara oo hawsha ka soo bixi kara.”

Mar boqorka la weydiiyay waxyaabaha uu Madaxweynaha ku yidhi, waxa uu ku jawaabay “Madaxwenaha waxaan ku idhi dadka cod dabacsan kula hadal, cod adag uma baahnee, cod isu soo dhawayna kula hadal. Anigu waxaan u arkaa xisbiyadu waxan ay ku dagaalamayaan inaanay gar u lahayn, xukuumaduna inay doorashada u diyaar garowdo mooyee inay ku dagaalanto xaq uma leh.”

Boqor Cismaan oo la weydiiyay in Madaxweyne Rayaale ka aqbalay waanadaas uu u soo jeediyay waxa uu yidhi, “Waayahay ayuu yidhi, taladaada waan qaadanayaa, sidii nin qaatay ayuu iila eekaa, laakiin waxaan ogahay laba qolo oo kala ah qolo mucaaradka ah oo doonaya inay dalka qas ka rido oo ay meel daran inaga tuuraan iyo wasiiro culculus oo Rayaale aad ugu dhow dhow oo baadi doonaya inay suuq alool labaad oo aargoosi ah dalka ka sameeyaan, waa qolo ku riyoonaysa suuq alool cusub, waana wasiiro culus oo Madaxweynaha aad ugu dhow, waxaanay dagaal la doonayaan beel gaar ah.”

Boqorku wuu ka gaabsaday inuu magacaabo Wasiiradaas uu sheegay iyo weliba masuuliyiinta sare ee ka tirsan mucaaradka ee uu iyagana xusay inay dalka la doonayaan qas, waxaanu yidhi, “Ma doonayo inaan tilmaamo, laakiin qolo waxay ka mid tahay Madaxda waaweyn ee mucaaradka oo waxay doonayaan inay maraan jidkii uu Cabdiraxmaan Tuur maray ee uu yidhi Somaliland iga dambayn mayso. Kuwa kale ee Wasiirada ahna tilmaami maayo oo shacabku wuu garanayaa wasiiradaas culus ee dalka la doonaya suuq aloolka cusub ee aargoosiga ah, waana wasiiro beel gaar ah dagaal la doonaya.”

Ugu dambayn isaga oo la hadlaya xisbiyada Mucaaradka waxa uu yidhi, “Waxaanu leenahay doorasho rasmi ahi dalka ha ka dhacdo, mudada guurtidana waxba yaan laga yaacine hala sugo…shacabka iyo madax dhaqameedyaduna ammaanka ha adkeeyaan…”

Madaxweyne Geellle oo Markii u Horaysay Qiray in Xaaladda ka Dhaxaysa Wadankiisa iyo Ereteriya Qarka U Saarantahay Dagaal


Wargeyska Geeska Afrika
]]> General http://radiosomaliland.com/index.php?itemid=615 Wed, 07 May 2008 19:56:21 -0400 http://radiosomaliland.com/index.php?itemid=614 Hargeysa - Isu soo baxa balaadhan ayay Maanta Xisbiga mucaaridka ah ee Kulmiye iyo taageerayaashiisu ka sameeyee barxada weyn ee Xarunta guud ee Xisbigu ku leeyahay Magaalada Hargeysa horteeda, isla markaana waxa dadweynaha halkaasi kula hadlay Masuuliyiinta kala duwan ee Kulmiye.Banaan-baxan oo ka dhan ahaa Xukuumadda Madaxweyne Rayaale, ayaa ilaa xalay abaabulkiisu socday, waxa barxada weyn ee Xarunta Xisbiga hortiisa isugu soo baxay dadweyne tiro badan oo lagu qiyaasay tiro kun ku dhaw.

Hase ahaatee, isu soo baxan ayaa ahaa mid si nabadgalyo ah u dhacay, oo aan wax rabshado ah wadan, iyada oo Ciidamada kala duwan ee dawladuna ku hareeraysnaa goobtaasi la isugu soo baxay.

Ugu horeyn waxa fagaarahaasi kala hadlay dadweynaha isu soo baxay Guddoomiyaha Xisbiga Kulmiye Axmed Maxamed Maxamuud (Siilaanyo), oo sheegay inay iyagu cid walba ka jecelyihiin nabadgalyada dalka oo jirta, isla markaana aanu Xisbiga Kulmiye ahayn kii maanta looga shakiyi lahaa mid nabadgalyada waxyeelaynaya. Waxaanu u mahad-naqay guud ahaanba dadkii taageerayaasha ahaa ee isu soo baxay.

“Waxaan idiin sheegayaa Kulmiye maanta maaha Xisbigii looga biqi lahaa inuu nabadgalyada dalka bur-buriyo, kulmiye shacbiga Somaliland intiisa badan ayaa taageerta, waxaanu u damqanayaa guud ahaan nabada iyo danaha ummadiiisa.” Ayuu yidhi Guddoomiyaha Xisbiga Kulmiye Axmed-siilaanyo

Waxaanu ku dooday Guddoomiyuhu inay xaq dastuuri ah u leeyihiin inay isu soo bax ku muujiyaan dareenkooda, “Iyada aynu nabadgalyada ilaalinayno, wada jirka ilaalinayna, danta shacbigeena ilaalinayna, xaqa dastuurkeenu ina siiyay ilaalinayna, oo aan cidna waxba yeelaynin waa inaynu dareenkeena cabiraa walaalayaal. Marka muddadu Madaxweynaha ka dhamaatana hadaan xaaladan wax iska bedalin waa inoo balan inaynu dareenkeena si nabadgalyo ah ugu cabiro isu soo baxan oo kale, waana inoo balan inaynu sii wadno.” Ayuu hadalkiisa sii raaciyay Guddoomiyuhu.

Guddoomiyaha Xibiga Kulmiye Axmed Maxamed Maxamuus (Siilaanyo), isaga oo ka hadlaya halka xaalada dalku marayso waxa uu yidhi, “Xaalada halkay marayso waynu ognahay oo waynu ka wada dharagsanahay, iyada oo nabadgalyada Somaliland shacbiga meel kasta oo uu joogo xil ka saaran yahay ilaalinteeda oo uu xilkeeda qaadatay, oo mar kasta oo nabadgalyada bur-bur ku dhaco cida bur-burisaa ay xukuumadda jirta ahayd, cida ilaalinaysaana ay ahayd shacbiga Somaliland, cida cadawga iyo argagixisada qabanaysana shicibka ayay ahayd. Halka cida sharciga iyo nabadgalyada ku tumanaysaana ay tahay Xukuumadda maanta jirta ee Madaxweyne Rayaale.”

Isla markaana waxa uu xusay Axmed-siilaanyo in Xisbigooda culays iyo cadaadis badan ay xukuumaddu saartay, oo dad badan oo ka mid ah Masuuliyiinta iyo taageerayaasha Kulmiye loo xidh-xidho bilaa sabab, isaga oo dhaliilay muddo kordhintii Guurtida, oo uu ku tilmaamay mid sharci-daro ah.

“Waxaanu leenahay Madaxweyne Rayaale muddadii lagu doortay markay kaa dhamaato, adigu ma lihide ha iska sii rambiqin meesha, waxaanu leenahay ha isa soo hor fadhiistaan Axsaabta Qaranka oo ha la is waydiiyo oo ha la yidhaahdo walaal maxaynu yeelaa. Dib u dhaca doorashooyinka waxa masuuliyadooda iska lahaa Madaxweynaha Somaliland.” Sidaa ayuu yidhi Axmed-siilaanyo, waxaanu intaa ku sii ladhay oo uu yidhi,

“Waxaanu leenahay hore samir ayaanu dalka iyo dadkaba ugu yeelanay imikana waanu u yeelanaynaa, iyada oo marar badan dib u dhacday doorashadii oo uu waajibaadkiisii ka soo bixi waayay hogaankii qaranku, waxaanu leenahay marka ugu horeysa ee la qaban karro ee Guddada ku shaqada lihi garato in la qabto diyaar ayaanu u nahay.”

Waxaanu sheegay Guddoomiyuhu in ay jiraan mishaakilaad badan oo ay xukuumadda Madaxweyne Rayaale ku hayso dadka maatida ah ee shacabka ah oo ay dil iyo xadhig sabab la’aan ah kula kacdo,, gaar ahaan taageerayaasha Kulmiye, taasina ay tahay dulmi aan la qaadan Karin.

Isaga oo si gaar ah ula hadlayay Guddoomiyaha Kulmiye Madaxweynaha Somaliland Daahir Rayaale, waxa uu yidhi, “Madaxweynaha Baarlamaanka ka dhex yidhi waa la siqiiri doonaa, ee rag kale yidhaahdeen Xabsigii Mandheera waanu haynaa, Madaafiicdiina waanu haysanaa, Madaafiicda waa nalala dhici jiray oo kamaanu biqi jirin, Xabsiga Mandheera laga biqi maayo oo waa loo diyaar ragbaana hore u galay, Madaafiic baanad sheegaysaaye horaad Daahir Rayaalaw Diyaarado ula dhacday Shacbiga Reer Hargeysa. Markaa maanta ha nagu bajinin, kuwaad ku bajin lahaydna ma nihin.” Ayuu yidhi Guddoomiyuhu.

Sidoo kale, waxa halkaasi ka hadlay Xildhibaan Maxamed Axmed Obsiiye, oo ka tirsan Mudanayaasha Golaha Wakiillada Xisbiga Kulmiye ugu jira, ayaa sheegay, isla markaana dadweynaha u soo jeediyay inay iyagu Xisbi ahaan yihiin Xisbiga u taagan nabadgalyada, sidaa darteedna taagaarayaasha looga baahan yahay inay ku sii dedaalaan adkaynta nabadgalyada, iyaga oo la shaqaynaya Ciidamada amniga.

Xildhiibaanku waxa uu ku dheeraaday qiimaha ay nabadgalyadu leedahay, iyo tilmaamaha ay diinta Islaamku ka bixay.

Xildhibaan Cali Aw Yuusuf Axmed, oo isaguna ka mid ah Mudanayaasha Aqalka Wakiillada, isla markaana laga soo dhex doortay Xisbiga Kulmiya, ayaa sidoo kale sheegay in uu Madaxweynaha talada hada hayaa si nabadgalyo ah maamulka dalka ku qabtay, isla markaana looga baahan yahay inuu si nabadgalyo ah uga dego marka xilku ka dhamaado,

“Xisbiga Kulmiye Madaxweynuhu 80 cod ayuu kaga helay, waananu haniyaynay. Markaa waxaanu leenahay Madaxweynuhu taariikhdii SNM oo kale ha sameeyo, oo si nabadgalyo ah ayuu ku yimi ee si nabadgalyo ah hakaga tago, oo doorasho ayuu ku yimi ee doorasho xaq ah oo xalaal ah ha sameeyo oo hagaga tago, haduu sidaa yeelo taariikhda Somaliland meel ayuu ka galayaa.” Sidaa ayuu yidhi Xildhibaan Cali Yuusuf.

Waxaanu xaq-daro ku tilmaamay Md. Cali Yuusuf, muddo kordhintii Guurtidu dhawaan u samaysay Madaxweynaha iyo Ku-xigeenkiisa, “Waxaynu ogayn in dhawaan Golaha Guurtidu ay Madaxweynaha sannad u kordhiyeen, sannadkaasi anagu uma aragno sanad xaq ah inuu yahay, waayo dastuur ayaa inoo yaala, oo Dastuurkeenu waxa uu leeyahay Madaxweynaha muddadu markay ka dhamaato waa in doorasho la qabto, hadii aanay dhicin arrimo nabadgalya daro awgeed ah.”

Waxaanu ku dooday Xildhibaanku, in ay Somaliland aduunka ka iibin jirtay laba shay, isla markaana ay labadiiba guurtidu beenisay, isaga oo arrimahaasi ka hadlaayana waxa uu yidhi, “Aduunka waxaynu ka iibinaa laba shay, kuwaas ah wadankeenu inuu nabad yahay iyo inaynu dimuquraadi nahay, labadaasbana waxa beeniyay Guurtida, oo iyada oo aynu nabad nahay ayay yidhaahdeen sannad ayaanu u kordhinay, dimuquraadiyadii socotay intay ka talaabsadeen ayay sannad kordhiyeen.”

Sidoo kale Mudane Cali Yuusuf, waxa uu sheegay in dastuurka Qaranku dhigayo Golaha Guurtida marka muddadu ka dhamaato in la soo doorto, hase ahaatee ay taasi ka talaabsadeen ka dib markii ay muddo afar sannadood ah isu ansixiyeen. Sidaa daraadeedna kolhadii aanay sharci ku fadhiyen iyagu waxay kordhiyeena aanu ahayn wax sharciga waafaqsan, balse uu yahay xaaraan.

Guddoomiyihii hore ee Guddidii doorashooyinka Somaliland Md. Axmed Xaaji Cali Cadami, oo ka mid ah Masuuliyiinta Xisbiga Kulmiye, ayaa isna fagaarahaasi kala hadlay dadkii isugu soo baxay , waxaana ka mid ahaa hadaladiisii oo uu yidhi,

“Waxaan idiin sheegaya imtixaanka aduunka oo dhami wuu soo maraa waxaan lagaga guulaystaa dulqaadka ay dadku sameeyaan, oo shacbiga dulqaata ee dhabar-adayg sameeyaa mishkilad kasta wuu ka gudbi karaa, maanta waxa la inooga baahan yahay dhabar-adayg.” Sidaa ayuu yidhi Cadami.

Isaga oo faah-faahin ka bixinaya ujeedada isu soo baxan ay isugu yimaadeen masuuliyiinta iyo taageerayaasha Kulmiye waxa uu yidhi, “Ujeedada Xafladan maadaama aan hore loo sheegin, waa kulankii ugu horeeyay shir Xisbiga iyo Madaxdiisu isugu timaado, kii u dambeeyayse maaha ee wuu bilaabmay, waanu sii soconayaa, halka Hargeysa ugu dambeeysa waaynu ka soo lugaynaynaa marka Basaska la inoo diido, oo wadamada qaar dadku iyaga oo lugaynaya ayay dhinteen oo aanay nimcadii xorriyada gaadhin, iyada oo uu haystay Isticmaar adag oo keenan iska ooraydhka ah ee aynu inagu samaysanay, deebadeedna inagu yara kululaaday mid ka xoog roon ayay u babacdhigeen. Dabadeedna dadkii way soo gaadheen, intii soo gaadhi waydayna Carruurtoodii ayaa soo gaadhay.”

Guddoomiyihii hore ee Guddida doorashooyinku, mar uu ka hadlayay qaabka qaldan ee ay dadku wax u isticmaalaan waxa uu yidhi uu yidhi, “Waqtigii Xamar la joogay ee xaaladu ay kululayd, ee la kacaamaysnaa ee ay ciidamadu wax walba soo qab-qabanayeen, waxa aan raacay qolo wafti ahayd oo meel ayaa la soo furay guri ah uu lahaa maamulihii degada Marka oo Talyaani ahaa, guraga waxa la yidhi waa cusub yahay, aniga laftayda waa la I caameeyay oo waan u qaatay inuu cusub yahay, sannadkii dambe ayaa la yidhi ina keen, waanu tagnay mise gurigii ayaaba la rinjiyeeyay mar labaad, isla markaana gurigaa rinjigu ku socdo ayaan sheeko ka bixiyay oo waxaan idhi ‘Ma laga baqaa gurigaasi inuu hadlo maalin maalmaha ka mid ah, oo uu yidhaahdo waar wax kasta igu qaba oo, rinjiga faraha badan iga daaya.”

Isaga oo h adalkiisa sii watan waxa uu Cadami intaasi ku daray oo uu yidhi, “Marrkaa waxaan maanta leeyahay sidaa si le’eg ma laga baqaa nabadgalyada wanaagsan ee aynu ku jiro in aynu maalin ka hadlino, oo ay tidhaahdo qoldan masaakiinta ah maahaa cida nabadgalyada xumaynaysaa waa qolada awooda leh (xukuumadda), haday hadli waydo inaga ayaa ka hadli doonaa.”

“Ummad garnaqsatay ayaynu nahay, oo aynu dhaqan u leenahay wada-hadal,, wada fadhiisan iyo is daw marin la dawmariyo qofka wax tirsanaya dhaqankeeniina ma bedalayno, hawl yarina laguma bedali karo oo dhaqankaynu ilaashanaynaa, waana lagama maarmaan in miiska la isugu yimaado oo laga wada hadlo khilaafaadka jira, cadaaladuna waxay ku jirtaa oo kaliya in la wada-hadlo.” Ayuu ku sii ladhay hadalkiisa Axmed Xaaji Cali Cadami.

Isla markaana isaga oo si gaar ah ula hadlaya Madaxweyne Rayaale iyo sidii uu ula dhaqmay markii xilkii Komishannimo ka dhamaaday waxa u yidhi,

“Madaxweynuhu Komishankii hore markii muddadu ka dhamaatay isaga ayaa ugu horeeyay oo yidhi waqtigiini waa dhamaaday, kaftan badana wuu ku daray, anaguna waxaanu leenahay saacadu way is garaacaysaa, taar ayaanu kuu soo diriynaa, oo aan wax kuugu sheegaynaa, oo waxaanu leenahay intay goori goor tahay taariikhdii iyo abaalkii ummadu gashay yaan looga dhigin diidmo la diido iyo eryad dhaca.” Ayuu yidhi Guddoomiyihii hore ee Guddida doorashooyinka, Axmed Xaaji Cali Cadami.]]> General http://radiosomaliland.com/index.php?itemid=614 Wed, 07 May 2008 19:52:39 -0400 http://radiosomaliland.com/index.php?itemid=613 Hargeysa - Warar la isla dhex-marayo Magaalada Caasimada ah ee Harrgeysa ayaa sheegaya in Mudaharaad balaadhani Berri ka dhici doona Hargeysa, iyada oo sida la falayo ay dadku isaga kala iman doonaan Waaxaha kala duwan ee Magaalada Hargeysa, Caasimada jamhuuriyada somaliland.Inkasta oo aanay cadayn ujeedada loo qabanayo Mudaharaadkaas la sheegay inuu dhicidoonno birri oo ah maalin Arbaco ah, taariikhduna tahay 07/05/08, hadana waxay u muuqtaa inuu isu-soo-baxani hor-dhac u yahay kacdoono ay hore ugu baaqaaan Xisbiyada Mucaaridka ah ee Kulmiye iyo Ucid in ay kala hortagi doonaan Xukuumadda Madaxweyne Rayaale, wixii ka dambeeya 15-ka bishan May, oo muddadu kaga egtahay Madaxweynaha Somaliland Daahir Rayaale Kaahin iyo Xukuumaddiisa, hadii ay gacanta ku sii hayaan maamulka dalka.

Hase ahaatee, amaanka Magaalada Hargeysa ayaa caawa aad loo adkeeyay, ka dib markii ay soo baxeen wararka sheegaya in baanaan-bax laga samayn doono daafaha magaalada, iyada oo ay muddooyinkii ugu dambeba amaanka magaaladu aad u adkaa, oo wadooyinka iyo meelaha isgoysyada ah lagu arkayay Ciidamo tiro badan oo isugu jira Boolis iyo Milatari, ayay caawana ka sii xag-jirtaa sidii hore.

Si kastaba ha ahaatee, arrintan ayaa ku soo beegantay baaq uu maanta soo saaray Xisbiga Mucaaridka ah ee Kulmiye, kaas oo ahaa ogaysiis uu Xisbigu baahiyey waxa uu ku wargeliyey taageerayaasha Xisbiga iyo guud ahaan, dadweynaha ku dhaqan Caasimadda Hargeysa inay ka soo qaybgalaan kulan ballaadhan oo lagu qabanayo xarunta dhexe ee xisbigu ku leeyahay Hargeysa, maalinta barrito ah oo Arbaca ah, 07 May, 2008, halkaas oo la sheegay in madaxda iyo Siyaasiyiinta Hoggaanka Xisbiga KULMIYE ay dadweynaha hadallo uga jeedin doonaan.

Hase yeeshee, waxa soo baxaya warar aan la xaqiijin oo sheegaya in Xukuumadda Somaliland ay ilaa maantaba ku hawlanayd baajinta iyo ka hortagida isugu yeedhida Xisbiga Mucaaridka ah ee Kulmiye ugu baaqayo taageerayaashiisa, ee la filayo in barrito ay isugu soo bixi doonaan Xarunta guud ee Xisbigaasi ku leeyahay Magaalada Hargeysa, gaar ahaana kuna taala Xaafada Jigjigayar ee Degmada Koodbuur, ee Galbeedka Hargeysa. Iyada oo sida la sheegay Masuuliyiin ka tirsan Xukuumaddu ay uga digeen Iskaashtooyinka Basaska Magaaladda Hargeysa in loo kiraysto isu soo baxaas la filayo in uu berri dhici doonno.

Si kastaba ha ahaatee, dadweynaha ku dhaqan Magaalada Hargeysa ayaa caawa gabalku ula dhacay war-war iyo walaac ay ka qabaan sida jawiga nabadgalyada iyo isu socodka Magaaladdu noqon doono maalinta barri ah, iyaga oo dhinaca kale iswaydiinaya hadiiba mudaharaad dhaco wajiga ay Xukuumaddu ku qaabili doontaa Mudaharaadayaasha. Iyo isweydiimo kale oo ah hadiiba uu banana-baxaasi qabsoomo ma u qabsoomi doonaa si nabadgalyo ah, mise waxa uu noqon doonaa mid rabshado wata.

Todobaad ka hor ayuun bay ahayd markii uu Magaalada Hargeysa ka dhacay isu soobax ka dhan ahaa Xukuumadda Somaliland, kaas oo ka dhacay Degmada Axmed Dhagax ee Magaaladda Hargeysa, isla markaana galaaftay dhimashada laba Wiil, halka dad badanina kaga dhaawacmeen banana-baxaasi rabshadaha watay.]]> General http://radiosomaliland.com/index.php?itemid=613 Wed, 07 May 2008 04:10:17 -0400 http://radiosomaliland.com/index.php?itemid=612 Hargeysa - Wasiirka Wasaarada Maaliyada Somaliland Md. Xuseen Cali Ducaale ayaa maanta horkeenay Golaha Wakiilada Somaliland odoroska miisaaniyad sanadeedka 2007 ilaa 2008 ee dawlada dhexe iyo dekeda berbera oo dhameyd 300,252,463, 142 Shilinka Somaliland ah una dhiganta in ka badan 50 Milion oo Dolar, taas oo Miisaaniyad-sannadeedkii hore ee 2007-da ka badan lacag dhan 19 Milyan oo Doolar. Fadhigii Maanta ee Wakiillada oo uu Gudoominayay Guddoomiyaha Golaha Wakiillada Md. Cabdiraxmaan Maxamed Cabdilaahi (Cirro) hadal kooban oo uu halkaasi ka jeediyey waxa uu ku wargeliyey mudanayaasha Golaha Wakiillada iyaga oo raacaya qodobka 55-aad ee Dastuurka Somaliland, farqadiisa 1-aad ay jideynayso inay Golaha Wakiiladu ka doodi karaan wax ka bedel iyo kaabisna ku sameyn karaan kuna ansixin karaan go’aan gole.

Ka dib wargelinta Guddoomiyaha, Wasiirka Maaliyada Somaliland Md. Xuseen Cali Ducaale [Cawil], oo isaguna sharaxaad ka bixiyey miisaaniyad Sanadeedka 2007 ilaa 2008, ayaa yidhi,

“Mudane Gudoomiye, Gudoomiye Ku-xigeen waxa farxadweyn ii ah inaan hor-imaado qoladan Sharciga, Maanta waxaan ku faraxsanahay inaan idiin soo gudbiyo Miisaaniyadii 2008.”

Wasiirka Maaliyadu Md. Xuseen Cali Ducaale waxa uu ka cudur daartay dib u dhaca Miinaasiyada miisaaniyada ku yimi xiligii la horkeeni lahaa Golaha Wakiillada, isaga oo arrintaa ka hadlayana waxa uu yidhi “Waxaabu aad uga cudur-daaranaynaa Miisaaniyada oo wakhtigeedi dib uga dhacday duruufo jira awgood, oo ta ugu weyni ay tahay Ciidamadii oo kordhay, beelihii ay reerahoodi inoo soo galeen ee Somaliland maadaama aanaan ciidamadii rasmiga haynin korodhkiisii, ay nagu adkaatay inaan Miisaaniyad Sameyno, oo ilaa ciidan rasmiya laga helayo way nagu adag tahay inaanu Miisaaniyad Sameyno.”

“Miisaaniyadu 50% [boqolkiiba koton] waxay ku baxdaa Ciidamada iyo nabadgelyada waa sanadkii, hadaanaan taa haynin way adag tahay inaad Miisaaniyad sameyso, wey nagu adkaatay inaan idiin keeno Miisaaniyad aan si fiican u miisaanayn, Ciidamadeenu iyo shaqaalaheenu waxay sanadkii hore ahaayeen 26000, maanta waa 32000 waxaad arki kartaa korodhka meeshaa ka jiraa” ayuu sii raaciyay Wasiirku hadalkiisa.

Xuseen Cali Ducaale waxa uu ka codsaday Golaha Wakiiladu inay dulqaataan ay dib udhaca ku yimi wakhtiga miisaaniyada, isla markaana ay cudur-daarkaa ka aqbalaan.

“Waxaan idiin sheegaynaa in Miisaaniyadan wax cashuur kordhin ahi ku jirin xaashaa umadeena oo duruufahaa ku jirtaa abaaraha, sixir-barar inaan cashuur saarno waa wax aan dhici Karin, Miisaaniyadaa wax cashuur ah oo aan ku kordhinay ma jirto muddo sadex sanadood ah inaanu marwalba dhino maahee cashuur inaan kordhino may dhicin” ayuu yidhi Wasiirka Maaliyadu Xuseen Cali Ducaale oo sheegay inaanay muddo sadex sanadood ah wax cashuur korodh ah sameyn.

Cashuur dhimistu waxay keenaysaa inay dawladnimadeenu fadhiisato “Haddii ay maanta intan awoodeenu ka abaaladhan tahay cashuurta waanu dhimi lahayn, waxa weeyee dawladnimadeena oo ku saleysan Dekedaa Berbera iyo Kalabeydh, cashuurihii berriguna aanay weli tisqaadin, Cashuur dhimistu waxay keenaysaa inay dawladnimadeenu fadhiisato, markaa Cashuur aanu kordhinay ma jirto taana ogaada” sidaa ayuu yidhi Xuseen Cali Ducaale.

Isaga oo hadalkiisa sii watana waxa uu intaa ku daray oo uu yidhi, “Waxaan idiin sheegayna in miisaaniyadii loogu talagalay labada doorasho [Deegaanka iyo Madaxtooyadu] ay ku jirto halkan [Miisaaniyad-sanadeedkan 2008], waanad ka arkidoontaan, maantana haddii doorasho la qabanayo diyaar ayaanu nahay oo waxba dhulka nagama yaalaan dawlad ahaan”

Wasiirka Maaliyadu waxa uu ku eedeeyey deeq-bixiyayaasha caalamiga ah ee dhinaca doorashooyinka Somaliland ka taageera inaanay bixin lacagta ay kula heshiiyeen inay ka caawiyaan qabashada doorashooyinka, isaga oo arrinta ka hadlayana waxa uu yidhi. “Deeq bixiyayaasha waxaanu heshiis kula galnay inay bixiyaan 75% [boqolkiiba shan iyo todobaatan] bixiyaan inaguna [Dawlada] 25%, had iyo jeer [deeq-bixiyayaashu] ma buuxiyaan boqolkiiba shan iyo todobaatankaas, dawlada ayaa kordhisa”

Wasiir Cawil, waxa uu ku dooday inay Xukuumad ahaan ay hore u soo qabteen saddex doorasho oo aan midna la isku qabsan, isla markaana ay waqtigana diyaar u yihiin khatimaada doorashooyinka soo socda.

“Waxa farxadweyn ii ah inaan halkan idiinku soo gudbiyo odoroska Miisaaniyada 2008 ta dawlada dhexe iyo ta Dekeda Berbera oo guud ahaan wadartoodu isku dhan tahay 300,252,463, 142 oo Shilinka Somaliland ah, oo isugu jirtaa.

1. Dawlada Dhexe 280,610,081,921 Shilinka Somaliland.
2. Dekeda Berbera: 19,642,381,221 Shilinka Somaliland.

Dawlada Dhexe 280,610,081,921 Sh. SL+Dekeda Berbera 19,642,381,221 =300,252,463,142 Shilinka Somaliland ah.” Ayuu yidhi Wasiir Cawil.

Mar uu Wasiirka Maaliyadu ka hadlayey odoroska Miisaaniyad Sanadeedkan 2008 waxay ka kooban tahay waxa uu yidhi “Odoroska Miisaaniyada aynu kor ku soo sheegnay waxa uu ka kooban yahay dakhli iyo kharash qiyaastoodu isku dheeli tiran tahay”

Wasiir Cawil mar uu ka hadlayey korodhka miisaaniyadii hore 2007 iyo miisaaniyadan 2008 u dhaxeeya, waxa uu yidhi “Mudanayaal odoroska Miisaaniyada dawlada dhexe ee sanadka 2008-da aad ayey uga badan tahay tii sanadkii dhamaaday ee 2007 waxaana keenay qiimaha baahiyaha iyo duruufaha wakhtigu wato ee isbedelaya Markaa odoroska miisaaniyada 2008-ka waxa uu kutala galkiisu dhan yahay 280, 610,081,921, taas oo qadar aadu badan ka badan Miisaaniyada sanadkii hore oo gaadhaya 77,850,233,217 Shilinka Somaliland kana soo jeeda baahida joogtada ah ee la koreysa Xaalada dalka oo u baahan in dedaal loogalo sidii loo hirgelin lahaa”

Isaga oo hadalkiisa sii watana waxa uu yidhi, “Korodhkaa 77,850,233,217 Sh. Sl, hadaad dib u raacdaan 2003-dii Miisaaniyadu waxay ahayd 19 billion Sh. SL Waad arkeysaa halka ay ka soo booday mudada Miisaaniyadii sanadkaa 2003 ayaa maanta noqotay korodhka Miisaaniyada 2008, xaqiiqdii waa dedaal ay sameeyeen Wasaarada Maaliyada iyo Madaxdeeda inaan 5-sanadood halkaa ku soo gaadhno idinkuna waad nala qabateen.”

“Dawlada dhexe waxa sal u ah cashuuraha iyo adeega kala duwan ee ay dadweynuhu bixiyaan, maadaama aynaan lahayn khayraad dabiici ah oo aynu manaafacadsano wakhtigan xaadirka ah, iyada oo kii kali ahaa ee aynu lahayn ee Xoolaha nool weli xayiraadi saaran tahay”ayuu yidhi Xuseen Cali Ducaale . ayuu hadalkiisa ku sii ladhay Wasiirka Maaliyadu.

Md. Cawil waxa uu ku dooday inay dalka Somaliland ay ku jirto macdan, Saliid soo saaristii weeyee ta dhibtu naga heysato.

“Sida aynu wada ognahay dalku waxa uu halkaa ku soo gaadhay danwadaagnimada dhaqaale ee aynu hidaha u leenahay, waxaan aaminsanay iskaashigeena oo si mideysan u sii xoojino inuu qeyb laxaad leh ka qaadanayo kobcinta dakhligeena, mudanayaal markaasi waxaan idinka codsanayaa in gurmadka dakhli uruurinta iyo wacyigelinta cashuur bixinta si dhab ah oo qaranimo leh loogu wada guntado,” ayuu yidhi Cawil.

Md. Cawil waxa uu sheegay in caalamka lacagta laga helo isgaadhsiimaha, balse ay isgaadhsiinta dalka wax kharash ah ka helin.

“Mudanayaal waxa jira sanadkan 2008 kharashyo soo kordhay oo aan ku jirin miisaaniyadii hore 2007 oo lama huraan noqday, 1. tirade Ciidamada oo korodhay, 2. tirada Shaqaalaha Dawladda, 3. kharashyada fidinta maamulka iyo nabadgelyada 4. kharashka raashinka ciidamadda iyo keydka,5. fidinta gaadiidka wasaaradaha, 6. kharashka dhismayaasha iyo dayactirkooda, 7.kharashyada adeegyada, 8. kharashka dayactirka wadooyinka, 9. kaalmada dugsiyada dhimirka iyo indhoolayaasha, 10. kabka korodhka qiimaha raashinka, 11. taakuleynta hawlaha ciidamada” ayuu yidhi Cawil.

Hase ahaatee, Guddida Dhaqaalaha ee Golaha Wakiillada ayaa naaqishaad iyo dib u eegis ku samayn doona Miisaaniyadan ay soo gudbisay Wasaaradda Maaliyadiu, isla markaana waxa ay Golaha horkeeni doonaan muddo todobaad ah ka dib, iyada oo Mudanayaasha Goluhu ka doodi doodaan wax ka bedalka iyo kaabista ay Guddidu ku soo samyso, ka dibna la meel marin doono hadii la isku waafaqo.

Si kastaba ha ahaatee, fadhigan maanta ee Golaha Wakiillada ayaa ahaa mid ka duwan fadhiyadii hore ee ay ku qaabili jireen Wasiirka Maaliyada Md. Cawil, iyaga oo fadhiyadii hore Marka Wasiirku yimaado laga dareemi jiray buuq, qaylo iyo kacsanaan, ayaa maanta guud ahaanba ahaa mid degan, oo ku bilaabmay kuna dhamaaday si aad u xasiloon oo bilaa buuq ah, iyada oo Mudanayaashu sharaxaadii Wasiirka u dhagaysanayay si daxadir leh.
]]> General http://radiosomaliland.com/index.php?itemid=612 Wed, 07 May 2008 03:56:43 -0400 http://radiosomaliland.com/index.php?itemid=611 Hargeisa - Gudoomiyaha Xibsiga Kulmiye Md.Axmed Maxamed Maxamuud Siilaanyo oo warsaxaafadeed maanta ka soo saaray Xafiiskiisa waxa uu kaga hadlay Xaalada Siyaasadeed iyo Khilaafaadka dalka ka aloosan.
Gudoomiyuhu waxuu warsaxaafadeedkiisan ku sheegay xadgudubno iyo dagaalo xukuumadu ay ku hayso xisbigiisa waxaanu u qornaa sidan:-
“Tan iyo intii talada dalka uu qabtay daahir Riyaale doorashadii madaxtooyada ee 2003dii ka dib waxa uu dagaal toos ah oo qaawan oo dhinac walba leh af iyo addinba ku qaaday xisbiga KULMIYE, taasoo aanu xisbga kulmiye marnaba ka bixin jawabtii ku haboonayd ama uu xaqa u lahaa, isagoo xeerinayey waxyaalo badan una arkayey inay jawaab la’aantaa maslaxadi ku jirto.

Xukuumadda Daahir Riyaale waxa ay marwalba oo ilaa xilligaa aan kor ku sheegnay ku simaan ilaa maanta oo aynnu joogno si cadawtinimo ah ugu isticmaalaysey cabudhinta iyo cadaadiska xisbiga kulmiye awoodda dawladeed ee ay gacanta ku hayso.

Dhibaatada, dibindaabyada, iyo xad-gudubku waxay yihiin kuwo saameeyey dhamaan bulshada reer Somaliland, waxase intooda badan dhibaatadu gaar ugu dhacdaa cidda loo tuhmo inay yihiin taageerayaasha ama xubnaha xisbiga kulmiye.

Waxa taageerayaasha kulmiye xukuumaddu si qaawan ugala dagaallantay dhinacyada dhaqaalaha, ganacsiga, qandaraasyada, shaqada dawladda, hay’adaha caalamiga ah, NGOyada maxalliga ah iyo meel kasta oo ay nolosha ka raadsan lahaayeenba.

Dhaqamadani waxa ay ku khasbeen in badan oo umadda ka mid ah in ay muujisan kari waayaan dareenkooda siyaasadeed ee ay xaqa u leeyihiin,

Waxa markhaato madoon ah oo umaddu si cad u ogtahay:

1. in 04/04/2005 xukuumaddu weerar ku qaadday xarunta xisbiga kulmiye iyagoo aan dariiq sharci u soo marin, oo raadinaya idaacad loogu sheegay inay xaruntaas taallo oo kulmiye leeyahay, taasoo haddii ay jiri lahaydba ay ahaan lahayd mid xisbigu xaq dastuuri ah u leeyahay, oo in lagu weeraro iskaba daayoo in laga horjoogsadaa ay xaraan tahay.

2. waxa xukuumaddu isku dayday inay xidho xog-hayihii guud ee xisiga
Daa’uud Maxamed Geelle alla ha u naxariistee 04/04/2008.

3. waxa 2006dii madaxweynuhu shir jaraa’id oo uu qabtay ku sheegay isagoo ku nuuxnuuxsanaya in kulmiye yahay cadwoga gudaha ee Somaliland leedahay, isla markaana ay yihiin qaran dumis.

4.waxa xukuumaddu guud ahaan gaar ahaanna madaxtooyadu xuquuqdeedii muwaaddinnimo ka qaaa\dday marwada guddoomiyaha xsibiga kulmiye Marwo Aamina Sh. Kaddib markii ay ku guulaysatey imtixaan ay u gashay jago ka bannaanayd hay’adda CARE International, shaqadaasoo madaxtooyadu dhaar iyo wacad ku martay inaanay qabanayn ama hay’addu dalka ka baxayso, aakhirkiina la siiyey nin sawaaxili ah oo ka mid ahaa dadkii imtixaanka galay ee ay kaga guulaysatey.

5. waxa xukuumaddu sannadkii 2006dii si sharciga aan waafaqsanayn u xidhay guddoomiyihii xisiga ee gobolka Awdal.

6.waxa xukuumaddu weerar gelisey guriga xubin ka mid ahayd guddida fulinta ee xisbiga iyadoo doonaysey inay xidho sababo fekerkiisa la xidhiidha dartood (Muuse Biixi)

7.waxa xukuumaddu si sharci darro ah xabsiga u dhigtay muddana ay ugu haysatey xubin ka mid guddida fulinta ee xisbiga ka mid ahayd (C/waaxid C/Qaadir C/Raxmaan).

8.waxa xukuumaddu isku dayday inay xabsiga u taxaabto masuul isna ka mid ah guddida fulinta ee xisbiga kulmiye (Maxamed Kaahin Axmed).

9.10/04/2008 waxa wasiirka arrimaha guduhu C/laahi cirro warbaahinta caalmaka iyo ta maxalliga ahba ka sheegay inuu kulmiye ka danbeeyey qarax la sheegay inuu ka dhacay guriga guurtida taasoo:

10. 10//4/2008 loo qabtay oday Deyr Maxamed Cilmi.

11.12/04/2008na loo qabtay guddoomiyaha gobolka maroodi jeex ee xisbiga kulmiye Axmed Cumar X.C/laahi (xamarji).

12. 01/05/2008 waxa xukuumaddu si sharci darro ah xabsiga ugutaxaabtay xubin ka mid ah golaga dhexe ee xisbiga kulmiye ilaa haddana uu u xidhan yahay (Abshir Xasan Xaashi).

Dhamaan dhacdooyinkani waa kuwo la wada ogayahay oo Aan qarsoodi ahayn, mana jirto dhacdo keliya oo xukuumaddu caddaysay, isla markaana mar jirto dhacdo keliya oo maxkamad lagu horgeeyey ciddii lagu eedeeyey, muwaadin walba marka muddo la haysto ee xorriyaddiisii, karaamadiisii iyo tii xisbigiisaba laga lumiyo ayaa lasyka soo daayaa.

Arrimahan aan kor ku soo sheegnay iyo qaar kaleba waxa xisbiga kulmiye u arkyey ilaa haddana u arkaa daan-daansi iyo falal cadowtinnimo oo loola badheedhay, waxa kale oo Kulmiye u arkayey dagaal ay xukuumaddu go’aamisey ama ay caddaysay oo nalagu soo qaaday,

Xisbiga kulmiye waxa uu xukuumadda u soo jeedinayaa in ay sii deyso xubnaha xisbiga ee gardarrada ugu xudhan.

Xisbiga kulmiye waxa uu dhaleecaynayaa falalkaa masuulyad darrada ah ee xukuumaddu kula dhaqanto, waxaanu caddaynayaa inaanu dulqaad danbe u yeelan doonin una adkaysan doonin tallaabooyin danbe oo noocan ah.
]]> General http://radiosomaliland.com/index.php?itemid=611 Tue, 06 May 2008 04:26:47 -0400 http://radiosomaliland.com/index.php?itemid=610
Hase yeeshee Taliyaha Bileyska ayaa war uu siiyay shalay Idaacadda Radio Hargeysa ku beeniyay warkiisii hore ee uu siiyay Laanta Af-Soomaaliga ee BBC-da iyo warbaahinta kale, waxaanu sheegay in aan loo haysan dambi la xidhiidha aflagaado uu u geystay Madaxtooyada ee loo haysto Abshir Xasan dambiyo kale oo uu galay, laakiin taliyuhu ma sheegin dambiyada kale ee loo haysto iyo cidda uu ka galey toona.

Arrintan keentay inuu Taliyaha Bileysku uu hadalo is-burinaya warbaahinta u sheego ayaa sida ay warar xog-ogaal ahi sheegeen waxay ka dambaysay kadib markii Madaxtooyadu culays ku saartay Taliyaha inaanu kula soo gal-galan eedda Madaxtooyada ee uu u magac-bixiyo dambiga dusha laga saarayo, waxaanay wararku intaas ku dareen in saraakiil uu ka mid yahay Saqadhi Dubad ay xilsaaran yihiin inay xadhigga Abshir Xasan u sibir saaraan meel kale oo ka duwan qadiyadda musuqmaasuqa Madaxtooyada si aan mar kale warbaahinta u soo gelin.

Abshir Xasan ayaa shir jaraa’id oo January 4, 2007 ku qabtay hotelka Xaraf ee magaaalada Hargeysa, waxa uu kaga marag-kacay fadeexado musuqmaasuq oo ay qoyska Madaxtooyadu ku kaceen, si isdaba-joog ahna loogu daabacay wargeyska Haatuf dabayaaqadii 2006 iyo horraantii 2007, iyadoo ay xukuumadda Somaliland wakhtigaas xabsiga ugu taxaabtay arrintaas saddex suxufi oo ka tirsan wargeyska Haatuf, kadib markii ay ku eedaysay Aflagaado qoyska Madaxtooyada, kuwaas oo xabsiga Mandheera ugu jiray dacwadaas muddo saddex bilood ka badan.


Mr. Abshir Xasan ayaa shirkaas jaraa’id waxa uu ku soo bandhigay dhokumentiyo muujinaya musuq-maasuqa ay qoyska Madaxtooyadu ku kaceen, isagoo isla markaana sheegay inuu hayo dhokumentiyo intan ka badan oo la xidhiidha musuq-maasuqyo ay Madaxtooyadu ku tallaabsatay, waxaanay xilligaas ciidanka Bileysku isku hawleen sidii loo soo qaban lahaa, balse kumay guulaysan marnaba inay soo qabtaan.

Abshir Xasan oo tan iyo Khamiistii ku xidhan Saldhigga Dhexe ee Bileyska Hargeysa, ayaa gebi ahaanba loo diiday cid booqata iyo cunto in loo geeyaba, iyadoo xataa loo diiday inay aragto xaaskiisu ama ay cunto u geyso, waxaana la sheegay Abshir Xasan inay Bileysku nabaro u geysteen uu ka mid yahay nabar qoriga dabadiisa lagaga dhuftay kelida oo aad uga cabanayo, balse ilaa hadda dhakhtar lama tusin.

Xaaska Abshir Xasan Xaashi oo magaceeda la yidhaahdo Muxibo Saleebaan Faarax, ayaa Haatuf u sheegtay in saygeeda lagu kacay xadhig fool-xun oo si khaldan loo maamulayo, iyadoo sidoo kalena sheegtay in madaxa bileyska ee Saldhigga Dhexe uu u diiday inay aragto ninkeeda, isla markaana dib loogu soo celiyay cuntadii ay u sidday.

Marwo Muxibo Saleebaan waxa kale oo ay sheegtay in eedda Taliyaha Bileysku sheega in loo haysto Abshir Xasan ee ah aflagaadadu ay ahayd arrin sannad iyo badh ka soo wareegay markii uu shirka jaraa’id ku soo bandhigay arrimo musuq-maasuq oo Madaxtooyadu ku kacday, iyadoo xustay in xilligaasna ay ciidanka Bileysku gurigeeda ay soo weerareen baadhis iyo cago-juglayna ay iyada lafteeda u geysteen iyagoo aan wax waarran ah siddan.

“Abshir waxaa lagula kacay xadhig foolxun, waxyaabaha caynkaas ahina waa kuwii laga dhiidhiyey ee keenay dhibaatooyin farabadan. Sheekadan imika la soo cusboonaysiiyay ee uu sheegay Taliyaha Bileysku waa dhacdo laga joogo sannad iyo shan bilood, haddii uu Abshir eedaysane dawladda u yahay Hargeysa habeenna kamuu maqnayn, nin isqariyayna ma aha oo is qarin kara. Markaa xadhigan lagula kacay waa mid khaldan oo anagu aanu had iyo jeer leenahay dawladdu waxyaabaha caynkaas ah haka tanaasusho, waayo, dhibaatooyin farabadan bay keenaysaa,” ayay tidhi Muxibo Saleebaan iyadoo ka waramaysa xadhigga Ninkeeda Abshir Xasan loo geystay waxaanay intaas ku dartay “Guriga ayaa naloogu yimid oo nala yidhi wax baanu raadinaynaa, waxay ahayd xilligaa sannadka iyo badhku ka soo wareegay, ciidan bileys ah oo ka tirsanaa saldhigga Koodbuur ayaa gurigayaga si xun u soo galay, waxaan weydiiyay inay wax waarran ah sitaan iyo waxa uu yahay waxa ay guriga ka baadhayaan, waxay iigu jawaabeen ‘naa annagu waarran iyo wax kale toona garan mayna’e naga baydh’ ilaa qolka hurdada iyo musqusha ayay galeen, markii aan weydiistay inay guriga ii dhaafaan ayay labada dhinac intay I qabteen i-kala tureen, Diricii bay igu dul jeexjeexeen, cid aanu uga dacwoonana maanu helin. Markaa waxyaabaha caynkaas ah ee dumarka lagu samaynayaa waa dhibaato, waa waxyaalihii taliskii faashiistiga ahaa ee Siyaad Barre lagula dagaalamay.”

Marwo Muxibo oo ah hooyo afar carruur ah u dhashay Abshir Xasan waxay sheegtay in loo diiday inay booqato ninkeeda iyo in cuntadii ay u siddayba loo geeyo, waxaanay iyadoo taas ka waramaysa tidhi: “Caawa [Habeen hore] oo aan cashadii ugu geeyay saldhigga dhexe ee Bileyska Hargeysa, la igama qaban cuntadii, waana layla dagaalamay, waxaana laygu yidhi naagtaas wax raashin ah oo aydin ka qabataan yaanay jirin. Kadib ayaan iska yara sugay si aan cid aan garto u helo, waxaana ii soo baxay nin taliye ah oo la yidhi waxaa la yidhaahdaa Maxamed Case, ‘naa meesha maxaad ka qabanaysaa’ buu igu yidhi, waxaan ku idhi waxaan u siddaa casho maxbuus Abshir oo aan xaaskiisii ahay, kadib ninkaasi hareer ayuu ii tuuray, waanu I caayey, waxaanu igu diray askar oo uu ku yidhi naagtaasi yaanay soo gelin haddii kale xidha iyadana. Askartii waxay u qaateen inaan wax dambi ah sameeyay dabadeedna intay i-qabteen ayay isoo tureen, kadibna kaabadda saldhigga ayaan ka soo turunturooday oo aan ka soo dhacay. Waxaas oo kalena waa wax ka baxsan hab-dhaqanka Diinta Islaamka, in dumarka loo hanjabo inta ragooda la xidho oo la turufeeyo gacanna loo taago.”

Ugu dambeyntii waxay Marwo Muxibo Saleebaan u soo jeedisay Madaxweyne Riyaale inuu dhaqamada noocan ah ka tanaasulo oo uu dib ugu noqdo sidii wanaagsanayd ee uu ku bilaabay madaxweynenimada wadanka.

“Waxaan u soo jeedinayaa Madaxweyne Riyaale inuu dhaqanka noocan ah ka tanaasulo, waayo waa ficiladii dawladii Faqashta lagu ridday, waxaanan leeyahay Madaxweynuhu dadkiisa ha kasbado sidii uu markii hore ahaan jiray oo halkiisii haku noqdo, haweenka xaasleyda ahna dhaqanada noocan ah ee bileysku kula kacayo halaga daayo, askartiisana ha u sheego in dumarka iyo carruurta ragooda la xidhay si asluub leh ula dhaqmaan,” ayay hadalkeeda ku gunaanaday Marwo Muxibo Saleebaan Faarax.



Source: Haatuf
]]> General http://radiosomaliland.com/index.php?itemid=610 Tue, 06 May 2008 04:00:09 -0400 http://radiosomaliland.com/index.php?itemid=609
Taliyaha Booliska oo caawa u warramay Radio Hargeysa waxa uu sheegay in warkaas oo lagu daabacay wargeysyada ka soo baxa Hargeysa qaarkood uu yahay been abuur, isla markaana xadhigga Abshir Xasan Xaashi aanay wax lug ah ku lahayn Madaxtooyadu, waxana uu sheegay in loo haysto dembi kale oo aanu sheegin waxa ay yihiin.

Hase yeeshee, Taliyuhu waxa uu sheegay in boolisku ay muddoba ku dabajireen soo qabashada Abshir oo uu sheegay in uu hore u baxsaday.

Taliyaha Booliska, Mr. Saqadhi oo BBC-du wax ka weydiisey shalay xadhigga Abshir Xasan Xaashi, ayaa sheegay inay la xidhiidho been abuur iyo aflagaaddo uu u geystey Madaxtooyada. Waxana uu sheegay in Abshir uu boolisku ku dabajirey muddo dheer, tiroba laba jeerna uu ka baxsaday.

Sidoo kale, Shabakadda Hadhwanaag oo habeen hore markii la qabtay Abshir telefoonka kula xidhiidhay Taliyaha ciidanka Booliska, ayuu u sheegay in Abshir loo haysto Aflagaaddo iyo been abuur uu u geystey Madaxtooyada, muddo dheerna la raadinayey.

Abshir Xasan Xaashi oo ahaa Darawalka Khaaska ah ee Marwada Madaxweynaha, marwo Huda Barkhad Aadan, isla markaana madax ka ahaa Gaadiidka Madaxtooyada ayaa horraantii 2007 shir jaraa’id oo uu qabtay kaga warramay musuqmaasuq qoyska Madaxtooyadu ku lug leeyahay, isaga oo u markhaati furay Wargeyska Haatuf oo Saddex suxufi oo ay ku jiraan Guddoomiyaha iyo Tifatiraha Wargeyska loo xidhay arrimo ku saabsan musuqmaasuqa qoyska Madaxtooyada iyo hanti badan oo ay meelaysteen.

Waxaana la sheegay in wakhtigaas la isku deyey in la xidho, balse, uu baxsaday.

Taliyaha Boolisku waxa uu sheegay in dhowaan maxkamad la horgeyn doono Abshir Xasan Xaashi, isaga oo aan sheegin waxa uu ku eedeysan yahay.

Taliyaha Booliska, ayaa la filayaa in canaani kaga timi Madaxtooyada, laguna khasbay inuu beeniyo warkaa hore ee uu bixiyey.

Abshir Xasan Xaashi oo Boolisku si argagixisonimo ah uga qabtay Hotel Imperial ee magaalada Hargeysa habeenkii Khamiistu soo gelaysey ayaa dad ku booqday Saldhigga Dhexe ee Booliska Hargeysa oo uu ku xidhan yahay waxay sheegeen in si xun loo ciqaabay, isla markaana la jidh-diley.

Dad xog ogaal ah ayaa iyagu werwer ka muujiyey xadhigga Abshir, iyaga oo ka baqaya in la ciqaabo, maadaama Madaxtooyadu cadaawad xun u qaadday.

Dhinaca kale, Xoghayaha Guud ee Xisbiga KULMIYE, Keyse Xasan Cige ayaa cambaareeyey xadhigga Abshir Xasan Xaashi oo uu sheegay in waaran maxkamad la’aan lagu xidhay. Waxana uu sheegay in tallaabooyinka xadhigga ah ee Ciidanka Boolisku ay beryahan dambe kula kacayaan madaxda xisbiga KULMIYE ay dadweynaha tusayaan ku tumashada xukuumadda ee dastuurka iyo xuquuqda muwaaddiniinta.

Somaliland.org, Hargeysa.



]]> General http://radiosomaliland.com/index.php?itemid=609 Tue, 06 May 2008 03:55:21 -0400 http://radiosomaliland.com/index.php?itemid=608 Former Marine Casey Kuhlman is no stranger to quick deployments. So it won’t seem odd for him to receive his J.D. from Vanderbilt Law School on Friday, May 9, then pack his bags to leave the following Monday for the eastern edge of Africa.Kuhlman will travel to Somaliland, where he will spend two years working with the election commission to help them reach the goal of achieving best international practices in their electoral system.

He will be working with a small NGO (non-governmental organization), the Public International Law and Policy Group, which received a State Department grant for the project. During the course of the two-year project, PILPG will provide technical and legal assistance to the Somaliland government in preparation for the 2008 and 2009 local and presidential elections. Kuhlman will be working with Somaliland government officials, policymakers and key members of civil society, providing legal assistance on issues of constitutional and legislative reform.

“We will do capacity building for their electoral system,” Kuhlman said. “We’ll be training the trainers – teaching them how to do things so they can do it themselves.”

Somaliland, a surprisingly green and mountainous part of Africa with a climate similar to California, is in the northeastern part of Somalia and has a history as a British colony. “Although Somaliland is in a traditional Muslim country, they have a constitution, a bi-cameral legislature and three branches of government,” Kuhlman said. “It’s very interesting to see how they’ve built all of that with no money and next to no external support apparatus.”

Kuhlman said it was during his time as a student at Vanderbilt Law School that he realized he was drawn to a career as a peace builder. Through classes with Mike Newton, professor of the practice of law and an adviser to the Justice Department in Iraq, Kuhlman became involved in post-conflict international law.

Kuhlman spent one summer and a full semester during law school working with the War Crimes Tribunal in Sierra Leone in the office of the prosecutor who put former Liberian president Charles Taylor on trial for war crimes.

An Orlando native, Kuhlman took a non-traditional path to law school. He went to the University of Illinois to study civil engineering on a ROTC scholarship, entering the Marines after graduation as an infantry officer. His time in the military included tours in Japan, Korea, Kuwait and Iraq, where he was part of the initial force in the recent conflict.

After his military commitment ended, Kuhlman who now sports a long, non-military hair style and beard, became a “ski bum,” working as a lift operator at Mammoth in California and later in Aspen. He decided to get serious about a career, took his LSATs and applied to law school. Vanderbilt seemed a good fit for his interests and his desire to move back to the South, near his family in Chattanooga.

His current plan to spend the next two years in Somaliland seems a natural step on his life’s journey.

“I’ve been a Marine. I’ve been an engineer. I’ve been a hippie. Now I’ll be a lawyer. The one area that touches all of these is peace building,” Kuhlman said. “It’s the perfect scenario for me.”

For more news about Vanderbilt, visit the News Service homepage at www.vanderibilt.edu/news.

Media Contact: Jennifer Johnston ]]> General http://radiosomaliland.com/index.php?itemid=608 Mon, 05 May 2008 02:21:34 -0400